Social menu is not set. You need to create menu and assign it to Social Menu on Menu Settings.

Author

Mohamed Mohamoud

Author and the owner of idman news

June 25, 2022

Idman news

Wararka Jaraaidyada Soomaalida ay qoreen

Human Rights Watch oo ka digtay duqeymaha ciidamada Mareykanka ee Soomaaliya. – RADIO KULMIYE:: 88.0 MHZ Mogadishu-Somalia


Muqdisho-KNN-Human Rights Watch ayaa ka digtay in duqeymaha ciidamada Mareykanka ee lagu soo celinayo Soomaaliya lagu beegsado dadka rayidka ah.

“Dhaqanka ciqaabta la’aanta ee khasaaraha rayidka ah wuxuu dhaliyaa caro iyo kalsooni darro ka dhex dhacda dadweynaha wuxuuna wiiqaa dadaallada lagu dhisayo dowlad ixtiraam leh,” ayuu yiri agaasimaha gobolka ee Human Rights Watch.

Human Rights Watch ayaa ka codsatay ciidamada Mareykanka inay mudnaanta siiyaan ilaalinta rayidka Soomaaliyeed ka dib markii madaxweyne Joe Biden uu saxiixay in dib loogu daabulo Somalia boqollaal ka mid ah ciidamada gaarka ah si ay u xoojiyaan Dagaalka ka dhanka ah Al shabaan,

Dhowr jeer waxaa lagu eedeeyay ciidamada Mareykanka 10kii sano ee lasoo dhaafay in howlgalo ay fuliyeen diyaaradahoodi dagaalka in lagu bartilmaamaysaday Dad rayid ah oo ay xitaa Taliska Africom ay qirteen.

Xoghayaha warfaafinta ee Pentagon-ka John Kirby ayaa horaantii isbuucan ku dhawaaqay in ciidamo Mareykanka ee ku dhow 500 oo askari ay dib ugu laaban doonaan Soomaaliya 17 bilood ka dib markii madaxweyne Donald Trump uu kala baxay ku dhawaad 750 askari oo Mareykan ah oo Somalia ku sugnaa.

“Saraakiisha Mareykanka waa inay si cad u caddeeyaan sida ciidamadoodu ay uga fogaanayaan inay waxyeeleeyaan shacabka Soomaaliyeed inta lagu guda jiro howlgallada milateri,” Laetitia Bader, oo ah agaasimaha Geeska Afrika ee Human Rights Watch (HRW) ayaa ku tiri hadal ay soo saartay.

“Waxay u baahan doonaan inay si dhow ula shaqeeyaan mas’uuliyiinta Soomaaliya iyo Midowga Afrika si ay uga fogaadaan inay ku soo noqdaan sharciyadii hore ee ku-xad-gudubyada dagaalka oo ay si dhaqso ah oo habboon uga jawaabaan khasaaraha rayidka.”



Radio Kulmiye

How useful was this post?

Click on a star to rate it!

Average rating / 5. Vote count:

No votes so far! Be the first to rate this post.

Lasoco xaaladda EAST AFRICAN COUNTRIES ugu danbaysay ee Xanuunka CORONAVIRUS .