Social menu is not set. You need to create menu and assign it to Social Menu on Menu Settings.

Author

Mohamed Mohamoud

Author and the owner of idman news

August 11, 2022

Idman news

Wararka Jaraaidyada Soomaalida ay qoreen

Masjidka Biibi Fatima oo laqarxiyay+SAWIRRO


Qaraxyo ayaa ka dhacay gudaha masaajid ku yaalla magaalada Kandahar ee koonfurta dal Afghanistan kaasoo geystay khasaare dhimasho iyo dhaawacba leh

Wararka ayaa sheegaya in qaraxyada lala beegsaday Masaajidka Biibi Fatima oo ah Masaajidka ugu weyn ee ay ku cibaadeystaan Shiicada Magaalada Kandahar.

Ugu yaraan 15 qof ayaa ku dhimatay in ka badanna waa ay dhaawacmeen qaraxaas, kuwaasoo ka mid ahaa jameeco masaajidkaas ku tukaneysay salaadii Jimcaha ee maanta.

Goob jooge ayaa u sheegay wakaaladda wararka ee AFP inuu maqlay saddex qarax, mid ka mid ah albaabka weyn ee masjidka, mid kalena uu ka dhacay aagga koonfureed, iyo kan saddexaad uu ka dhacay  qeybta weysada.

Afhayeenka Wasaaradda arrimaha gudaha  Afganistan Qari Sayed Khosti sheegay in khasaaraha laga yaabo inuu ka badan yahay inta hadda la ogyahay

“Waan ka xunahay inaan maqalno in qarax uu ka dhacay masaajid ay ku jiraan walaalaha shiicada oo ku yaal degmada koowaad ee magaalada Qandahaar halkaasoo ay ku shahiideen kuna dhaawacmeen tiro ka mid ah dadka aan isku dalka nahay.” ayuu yiri afhayeenka.

Ciidamada gaarka ah ee Taliban ayaa gaaray Masjidka  qaraxa uu ka dhacay si ay u ogaadaan sida ay wax u dhaceen.




Wardoon news

How useful was this post?

Click on a star to rate it!

Average rating / 5. Vote count:

No votes so far! Be the first to rate this post.

Lasoco xaaladda EAST AFRICAN COUNTRIES ugu danbaysay ee Xanuunka CORONAVIRUS .