Social menu is not set. You need to create menu and assign it to Social Menu on Menu Settings.

Author

Mohamed Mohamoud

Author and the owner of idman news

October 16, 2021

Idman news

Wararka Jaraaidyada Soomaalida ay qoreen

Dagaal Khasaaro dhaliyay oo saakay ka dhacay Muqdisho


Dagaal u dhaxeeyay ciidamo kawada tirsan dowlada Soomaaliya ayaa saakay ka dhacay agagaarka Isgooska Banaadir ee magaalada Muqdisho, dagaalkan ayaana dhaliyay khasaaro isugu jira dhimasho iyo dhaawac.

Sida aan wararka ku helnay dagaalka ayaa dhax maray ciidamo milatari ah oo ilaalo ka hayay dhul la isku heestay oo jiingad lagu wareejiyay xalay saqdii Dhaxe iyo ciidamo kale oo booliis ah oo kasoo horjeeday in dhulkaasi la dhiso.

Labada ciidan oo ku hubeesnaa hub kala duwan ayaana waxaa dhax maray dagaal culus oo daqiiqado badan socday, waxaana dagaalka saameyn badan ku yeeshay ganacsigii iyo dhaq dhaqaaqii ka jiray isgooska Banaadir iyo agagaarkiisa.

 

Dagaalka ayaa markii dambe istaagay kadib markii goobta isaga tageen ciidamadii booliiska ee weerarka ku qaaday ciidankii milatariga ahaa ee ku sugnaa dhulka la isku heesto, waxaana wali taagan cabsi laga qabo in mar kale la dagaalamo.

Khasaaro isugu jira dhimasho iyo dhaawac ayaa wararka aan helnay sheegayaan in uu ka dhashay dagaalka, mana jiro ilaa hada wax war ah oo laamaha amaanka iyo maamulka gobolka Banaadir kasoo saareen dagaalkan saakay ka dhacay Muqdisho.

Dhulkan la isku heesto oo horey ugu dhisnaayeen dukaamo ganacsi ayaa murankiisa soo taagnaa mudo bilooyin ah, waxaana dadka sheeganaya lahaanshaha dhulkan ku eedeeyeen saraakiil booliis ah in awood u adeegsanayaan.



Wardoon news

How useful was this post?

Click on a star to rate it!

Average rating / 5. Vote count:

No votes so far! Be the first to rate this post.

Lasoco xaaladda EAST AFRICAN COUNTRIES ugu danbaysay ee Xanuunka CORONAVIRUS .