Social menu is not set. You need to create menu and assign it to Social Menu on Menu Settings.

Author

Mohamed Mohamoud

Author and the owner of idman news

July 24, 2021

Idman news

Wararka Jaraaidyada Soomaalida ay qoreen

Wasiirka Gaashaandhigga oo soo xiray tababar la xiriira sare u qaadidda xirfadda shaqaalaha “SAWIRRO”


Wasiirka Wasaaradda Gaashaandhigga Xukuumadda Federaalka Soomaaliya Mudane Xasan Xuseen Xaaji ayaa maanta shaqaalaha Wasaaradda Gaashaandhigga u soo xiray Tababar Muddo Shan maalin ah u socday.

Tababarkan ayaa ku saabsanaa sare u qaadidda xirfadda Hoggaamineed iyo Wada-shaqeynta Waaxyaha kala duwan ee Wasaaradda Gaashaandhigga .

Munaasabadda lagu soo xirayay tababarka waxaa goobjoog ka ahaa Agaasimaha Guud ee Wasaaradda Gaashaandhigga Xukuumadda Federaalka Soomaaliya iyo xubno kale oo uu qeyb ka ahaa Guddoomiyaha Guddiga Madaxa Banaann ee la dagaallanka Musuqa Mudane  Abuukaate  Maxamed Xuseen Xaamud .

Ugu horreyntii Agaasimaha Waaxda Shaqaalaha iyo Tababarada Wasaaradda Cabdiraxmaan Sheekh Axmed ayaa tilmaamay in muddadii uu Tababarka socday shaqaalaha si wanaagsan ay ugu faa’iideysteen.

Sidoo kale Agaasimaha Maamulka iyo Maaliyadda Wasaaradda Gaashaaandhigga Cali Aadan Xasan oo kulanka ka hadlay ayaa soo dhaweeyay Mas’uuliyiinta kulanka ka soo qeyb galay, isagoo xusay in hoggaaminta suuban ee mas’uuliyiinta Wasaradda Tababarkan ay suura-gelisay.

Agaasimaha Guud ee Wasaaradda Gaashaandhigga Xukuumadda Federaalka Soomaaliya Mudane  Xasan Maxamed Saciid Samatar (Gacaliye) ayaa sheegay in u jeedka laga leeyahay tababaradan ay tahay horumarinta tayada shaqada iyo sare u qaadidda Waaxyaha kala duwan ee Wasaaradda.

Guddoomiyaha Guddiga  la dagaallanka Musuqa Maxamed Xuseen Xaamud ayaa ku ammaanay mas’uuliyiinta Wasaaradda sida ay ugu go’antahay horumarinta shaqaalaha, waxaana uu sheegay in arintan ay yareyneyso Musuqa  .

Wasiirka Wasaaradda Gaashaandhigga Xukuumadda Federaalka Soomaaliya Mudane Xasan Xuseen Xaaji ayaa tilmaamay in ay ka go’antahay horumarinta iyo tayeynta shaqaalaha Wasaaradda Gaashaandhigga, isagoo xusay in aqoontii ay ka faa’iideen tababarkan bulsahada iyo Wasaaradda  ay ugu adeegaan.



Radio Muqdisho

How useful was this post?

Click on a star to rate it!

Average rating / 5. Vote count:

No votes so far! Be the first to rate this post.

Lasoco xaaladda EAST AFRICAN COUNTRIES ugu danbaysay ee Xanuunka CORONAVIRUS .