Dowladda Kenya ayaa waxay soo dhaweysay warbixintii ay soo bandhigeen guddiga xaqiiqo raadinta ee loo xil saaray in ay baaraan sheegashada Dowladda Soomaaliya ee ah in Kenya faragelin ku hayso arimaheeda gudaha ayna hubeyso maleeshiyad si ay u qalqal geliyaan amaankeeda.
Wasaaradda Arrimaha dibadda Kenya ayaa war-saxaafadeed ay soo saartay waxaa ay ku sheegtay in warbixinta guddiga ay cadeynayso xaqiiqda ah in gabi ahaanba aysan sal lahayn eedeymaha dowladda Soomaaliya u soo jeedisay Kenya.
“Dowladda Kenya waxaa ay ku qanacsantahay warbixinta guddiga, warbixinta waa mid cad oo ku saleysan xaqiiqo” ayaa lagu yiri war-saxaafadka.
Dowladda Soomaaliya ayaa maanta ka hor timid warbixinta guddiga, waxayna ku tilmaamtay mid aan xaqiiqada ka turjumayn.
Hoos ka akhriso
Post Views:
45
More Stories
Bar Xog Wareysi {19-09-2021} – RADIO KULMIYE:: 88.0 MHZ Mogadishu-Somalia
Habraaca Doorashada kuraasta Aqalka sare ee gobolada Waqooyi oo lasoo saaray
Qoor Qoor iyo Rooble oo caawa heshiiyey – Maxay isku hayeen?