Social menu is not set. You need to create menu and assign it to Social Menu on Menu Settings.

Author

Mohamed Mohamoud

Author and the owner of idman news

May 22, 2022

Idman news

Wararka Jaraaidyada Soomaalida ay qoreen

Axmed“Waxaan u imid inaan uduceeyo Shan kamida saaxiibaday oo Qaraxii Zoobe ku geeriyooday”


Maanta oo kale saddex sanno ka hor 14-kii Oktoobar 2017 argagaxisada Al-shabaab ayaa gaari ay ka soo buuxiyeen waxyaabaha qarxa waxa ay la beegsadeen isgoyska Soobe oo ah goob mashquul badan.

Maleeshiyada ayaa xilliga ay qaraxa la beegsanayeen isgoyska wuxuu ahaa mid saxmad badan, oo waxey aheyd xilli galab ah dadku ay ku socdeen guryahooda iyagoo kasoo baxay goobahooda shaqada iyo waxbarashada.

Waa maalin xusuus xanuun badan ku leh ummadda Soomaaliyeed oo ku waayay ku dhawaad 600 oo ruux halka dhaawacuna uu intaas ka badnaa.

“Waxaan u imid inaan uduceeyo Shan kamida saaxiibaday oo Qaraxii Zoobe ku geeriyooday” ayuu yiri Axmed Cabdulqaadir Ciise oo Saddex sano ka hor ka badbaadey Qaraxii 14-kii Oktoobar.

Axmed, wuxuu xilligaas ganacsi yar ku lahaa isgoyska Soobe,wuxuu warbaahinta Qaranka u sheegay in maalintaas ay aheyd mid murugo ku reebtay oo uu ku waayay illaa shan kamid ah saaxibadiis, oo hal goob ay iskala shaqeynayeen.

Axmed oo ah farsamo yaqaan furayaasha ku sameeya Soobe waxaa uu dareemaya murug, maaddaama saaxibo qaali ah uu ku waayay musiibada,wuxuuna sheegay in makiinadii uu ku qorayay furayaasha ay ku gubatay qaraxa inkastoo uu tilmaamay in loo geday.

“Makiinadii aan furayaasha ku sameysanayay oo iga gubatay wiil saaxibkey ah oo dibadda jiro ayaa iigaday,shaqadeydi halkeedi ayaan kasii wataa, isgoyska Soobane waan joogaa”

Axmed ayaa xusay in aysan rajo dhigi doonin oo qadarta Alle ay ku qanacsanyihiin haddane uu sii wada doono ganacsiga uu ku leeyahay Soobe.

Isgoyska Soobe ayaa saddex sanno kaddib kasoo kabtay burburkii kasoo gaaray qaraxii ugu weynaa ee abid ka dhaca Afrika kaas oo argagixsada Al-shabaab ay ku gumaaday shacab aan waxba galabsan, balse waxey xusuuso xanuun badan  ku reebtay quluubta dadka Soomaaliyeed oo ku waayay 587 ruux oo ahaa indhaha bulshada.



Radio Muqdisho

How useful was this post?

Click on a star to rate it!

Average rating / 5. Vote count:

No votes so far! Be the first to rate this post.

Lasoco xaaladda EAST AFRICAN COUNTRIES ugu danbaysay ee Xanuunka CORONAVIRUS .