Xukuumadda xil-gaarsiinta oo ansixisay 9-xubnood oo ku biiraya guddiga la-dagaallanka musuqa – RADIO KULMIYE:: 88.0 MHZ Mogadishu-Somalia

Muqdisho-KNN-Golaha wasiirrada xukuumadda xil-gaarsiinta ayaa maanta kulan ay Muqdisho ku yeesheen waxay ku meel mariyeen sagaal xubnood oo wasaaradda caddaaladdu ay u soo xushay inay kamid noqdaan guddiga madaxa bannaan ee la-dagaallanka Musuq-maasuqa.

Qodobka 111-aad ee dastuurka dalka ayaa tilmaamaya dhismaha 9-ka xubnood ee guddiga madaxa bannaan ee la dagaalanka musuq-maasuqa, kaas oo sida la sheegay laf-dhabar u noqanaya howlaha baarista musuq-maasuqa lagu soo oogayo qeybaha kale ee hey’adaha dowladda.

Magacyada xubnaha guddiga ayaa kala ah.

1 –Maxamed Cabdikariim Ibraahim,

2 –Cabdiweli Axmed Cumar,

3 –Dr. Xasan Khaliif Xasan,

4 –Maxamed Xuseen Xaamud,

5 –Saciido Maxamed Xaashi,

6 –Amiin Axmed Sh. Cabdiraxmaan,

7 –Cabdullaahi Sh. Abuukar,

8 –Khadar Axmed Diiriye, iyo

9 –Saamiya Siciid Xuseen.

Madaxweynaha Soomaaliya ayaa 21/09/2019 waxuu saxiixay sharicga dhisidda guddiyada madaxa bannaan ee la dagaalanka musuq-maasuqa ee heer federaal iyo heer dowlad gobaleed, kabib markii baarlmanaanka federaalku meel mariyay, waxaana xubnaha guddiga madaxa bannaan ee maanta golohu meel mariyay loo gudbinayaa baarlamaanka si ay u ansixiyaan.

Post Views:
106