Social menu is not set. You need to create menu and assign it to Social Menu on Menu Settings.

Author

Mohamed Mohamoud

Author and the owner of idman news

January 26, 2022

Idman news

Wararka Jaraaidyada Soomaalida ay qoreen

Al-Shabaab oo weeraray garoonka diyaaradaha Dhuusmareeb


Dhuusamareeb (Caasimada Online) – Dagaal-yahanada kooxda Al-Shabaab ayaa xalay weerar ku qaaday ciidamada Amisom ee fadhigeedu yahay garoonka diyaaradaha magaalada Dhuusamareeb, sida ay sheegeen dadka deegaanka.

Weerarka oo billowday fiidkii habeenkii Jimcaha ayaa la iska caabiyey, wuxuuna socday kaliya 15 daqiiqo, sida ay sheegayaan wararka. Lama soo werin wax khasaare ah oo ka dhashay.

Garoonka ayaa waxaa degan ciidamo isugu jiray Itoobiyaan iyo Jabuutiyaan, oo la geeyey toddobaadyo ka hor inta aysan magaalada ka bixin gacanta ururka Ahlu-Sunna.

Waa weerarkii ugu horreeyey ee Al-Shabaab ay ku qaadaan garoonka Dhuusamareeb, tan iyo markii magaaladaas ay noqotay caasimadda maamul goboleedka Galmudug.

Magaalada Dhuusamareeb ayaa dhowaan mart-gelisay wada-hadallo saddex wareeg ka koobnaa oo dhex maray madaxda dowladda federaalka iyo kuwa dowlad goboleedyada.

Inkasta oo weerarka la iska caabiyey, ayaa haddan isku daygan wuxuu abuuray su’aalo ku saabsan isku haleynta amniga caasimadda Galmudug iyo baylaha ka muuqda.

Ururka Ahlu-Sunna oo horey gacanta ugu hayn jiray magaalada ayaa marar badan ka digay in imaatinka ciidamada dowladda ee magaalada ay horseedi karto dib usoo laabashada Al-Shabaab.





Caasimadda News

How useful was this post?

Click on a star to rate it!

Average rating / 5. Vote count:

No votes so far! Be the first to rate this post.

Lasoco xaaladda EAST AFRICAN COUNTRIES ugu danbaysay ee Xanuunka CORONAVIRUS .