Social menu is not set. You need to create menu and assign it to Social Menu on Menu Settings.

Author

Mohamed Mohamoud

Author and the owner of idman news

October 16, 2021

Idman news

Wararka Jaraaidyada Soomaalida ay qoreen

Maamulka Gedo oo sheegay inay ka go’een maamulka Jubaland ee A/Madoobe


Riyadh (Caasimada Online) – Maamulka gobolka Gedo ee taageersan dowladda Soomaaliya, oo shir ku yeeshay magaalada Beled-Xaawo, ayaa sheegay inaysan hadda kadib ka mid ahayn maamulka Jubaland ee uu hoggaamiye madaxweyne Axmed Madoobe.

“Maamulka Gobolka Gado wuxuu isagoo ka turjumaya rabitaanka shacabka ku dhaqan gobolka uu Dawladda federaalka ah iyo beesha caalamka ku wargelinayaa in Gobolka Gedo uusan siyaasad, maamul, amni, iyo arrimo bulsho intaba u hoos tagin maamulka Axmed Madoobe uu sida sharci-darrada ah iskiis ugu yagleeshay Kismaayo, wuxuu maamulka Gedo inta laga helayo maamul ay si xor iyo xalaal ah ay dadka Jubaland kusoo doorteen sii wadi doonaan gudashada howlaha u yaal,” ayaa lagu yirio bayaan kasoo baxay shirka.

Maamulka Gedo ayaa sidoo kale sheegay inay ka digayaan qorshe ay sheegeen in kuraasta baarlamanka federaalka ee deegaan doorashadoodu tahay gobolka Gedo loogu wareejinayo magaalooyin kale oo uu gacanta ku hayo madaxweyne Axmed Madoobe, sida magaalada Kismaayo.

Waxay sheegeen inay soo dhoweynayaan go’aanadi kasoo baxay shirka Dhuusamareeb 3 ee la xiriiray doorashada dalka, ayna diyaar u yihiin inay fududeeyaan sidii gobolka doorasho heer federal loogu qaban lahaa.

Qoraalka kasoo baxay shirka ayaa sidoo kale baaq loogu diray isimada iyo waxgaradka Puntland, ayada oo laga dalbaday inay gacan ka gaystaan sidii maamulka Puntland u joojin lahaa wax ay ugu yeereen faro-gelinta qaawan ee uu ku hayo arrimaha jubaland.

Hoos ka aqriso bayaanka shirka





Caasimadda News

How useful was this post?

Click on a star to rate it!

Average rating / 5. Vote count:

No votes so far! Be the first to rate this post.

Lasoco xaaladda EAST AFRICAN COUNTRIES ugu danbaysay ee Xanuunka CORONAVIRUS .